ဆာကူရာပဲပွင့်ပွင့်
ပိတောက်ပဲပွင့်ပွင့်
မြေခနေတဲ့ ပွင့်ဖတ်အတွက်
ဘယ်သူမှ သီချင်းမဆိုကြဘူးမဟုတ်လား
ဆုတောင်းတယ်ဆိုတာ
ကြယ်တွေဟာ လူတွေအတွက် ကြွေတာလို့
ထင်မှတ်မှားနေသမျှ
ခေတ်စားနေအုံးမယ့်အိပ်ယာဝင်တေး။
လင်းနေတဲ့အခိုက်တော့
အားလုံးဟာ သူရဲကောင်းဖြစ်ခွင့်ရှိသလို
မကောင်းဆိုးဝါးတွေလည်း
သင့်ဆီလာဖို့ ပျက်ကွက်ကောင်းပျက်ကွက်နေလိမ့်မယ်။
ပွင့်သော ပန်းတို့ မကြွေခင်
ကွေးသော လက်တို့ မဆန့်ခင်
စိတ်ပျက်စရာကောင်းလောက်အောင် လှနေတဲ့
လောကဓမ္မကြီးထဲက
ဖုံးကွယ်ထားတဲ့ သစ္စာလေးပါးကိုဖွင့်
အမှောင်တရားကို ရင်ဆိုင်ရဲတဲ့သတ္တိသာ ရှိပါရစေ။
ရှင်မားရု
၀၅၀၄၂၀၁၅
2 comments:
ဖုံးကွယ်ထားတဲ့ သစ္စာလေးပါးကိုဖွင့်
အမှောင်တရားကို ရင်ဆိုင်ရဲတဲ့သတ္တိသာ ရှိပါရစေဘုရား …
ကြည်ညိုလေးစားဦးခိုက်လျက် _/\_ _/\_ _/\_
“ပွင့်သော ပန်းတို့ မကြွေခင်
ကွေးသော လက်တို့ မဆန့်ခင်”
သတိပေးသံဝေဂကဗျာလေးတွက် ကျေးဇူးပါဘုရား …
Post a Comment